Wednesday, December 13, 2006

പടം...




മുറ്റ് ഗ്ലാമര്‍ തന്നെ അല്ലിയൊ..??

:)

Thursday, November 09, 2006

കൊല+പാതകം

..സദ്ദാം ഹുസൈനെ തൂക്കി കൊല്ലാന്‍ പൊണു..

"ആയ്യോ... പാവം"..

Tuesday, October 17, 2006

അവതാര രഹസ്യം

ശ്രീജിത്ത്‌ മണ്ടനാണൊ..?
എല്ലാരും അറിയാന്‍ വേണ്ടി പറയുവാ..അവന്‍ മണ്ടനല്ല..
മണ്ടന്‍ അല്ലെന്ന് മാത്രം അല്ല. മറിച്ച്‌ അത്യധികം ബുദ്ധിമാന്‍ കൂടിയാണ്‌.
എന്താന്നാവും... ഇപ്പൊ നിങ്ങടെ ചൊദ്യം.. കാര്യൊണ്ട്‌... മി. ബുഷിനെ പറ്റി തൊന്ന്യാസം എഴുതാണ്ട്‌ ആ മനുഷനെ പഠിക്കാന്‍ എന്നോട്‌ പറഞ്ഞത്‌ ലവനാണ്‌..
അന്ന് ഞാന്‍ കരുതി അവന്‌ ആ കൊണ്ടൊളിസാ റൈസേടത്തിയൊട്‌ വല്ല പ്രേമോമറ്റൊ തൊന്നിക്കാണും ന്ന്.....

അങ്ങനെ അത്‌ മറന്ന് കിടക്കുകയായിരുന്നു.....
അങ്ങനെ കുറേ നാള്‍ പോയി..ബാച്ചി ക്ലബ്ബിലും എക്സി ക്ലബ്ബിലും പൊയു ചപ്പടാച്ചികള്‍ അടിച്ച്‌ സമയം കളഞ്ഞു...........

....
....

രണ്ടു ദിവസായിട്ട്‌ തലക്കകത്ത്‌ ഒരു പെരുപ്പ്‌ തുടങ്ങിട്ട്‌..
ഡാകിട്ടറെ കണ്ടിട്ട്‌ ആശാന്‍ പറയുന്ന് ഒരു പ്രശ്നൊം ഇല്ലെന്ന്..
എനിക്കാണെങ്കില്‍ തലക്കകത്ത്‌ ഒരു വണ്ട്‌ ചറ പറ പറക്കുന്ന ഫീലിംഗ്‌....

ഇന്നലെ രാത്രിയിലാണ്‌... അതു സംഭവിച്ചത്‌...
ഒരുറക്കം കഴിഞ്ഞപ്പൊ.. എന്റെ തല പൊട്ടിതെറിച്ചു...
ആകെ പുടപടലങ്ങള്‍.. ഇച്ചിരി നേരം കഴിഞ്ഞപ്പൊ.. പുകയൊക്കെ മാറി...

അപ്പൊ ദാ കാണാണ്‌.. മ്മടെ ബുഷ്‌.. കോട്ടും സ്യൂട്ടും ഒക്കെ ഇട്ട്‌....ഒരു കയ്യില്‍ ഗദയും മറുകയ്യില്‍ സുദര്‍ശന ചക്രവും.. പറയാന്‍ മറന്നൂട്ടാ.. ഇഷ്ടന്‌ നാലു കയ്യുണ്ടായിരുന്നു..അതിലൊന്നില്‍ ഒരു തോക്കും.. പിന്നെ ഒന്നില്‍ താമര പൂവും....കോട്ടിന്റെ മേലെ തമിള്‍ സ്റ്റെയിലില്‍ എമ്പിഡി പൂമാലകളുമൊക്കെ ആയി കക്ഷി നല്ല സ്റ്റയിലിലാണ്‌..

വാ പൊളിച്ചിരിക്കുവായിരുന്നെ ഞാന്‍..

അതായിരിക്കും. പലതും കാണാന്‍ വൈകി.. ഇഷ്ടന്റെ തലക്ക്‌ പിറകില്‍ ഒരു 2 എച്‌.പി ടെ മോട്ടൊര്‍ പിടിപ്പിച്ചിട്ട്‌ ഒരു ചക്രം കിടന്ന് കറങ്ങുന്നുണ്ടായുരുന്നു...
സയിഡില്‍ നില്‍ക്കുന്നവരെ കാണാന്‍ കണ്ണ്‍ തീരെ പിടിക്കുന്നില്ലയിരുന്നു.. കുറേശ്ശെ, ലൈറ്റ്‌ അടിച്ച്‌ വന്നപ്പോളല്ലേ..? വലത്‌ വശത്ത്‌ ഒരു പെണ്ണ്‍ പൊലത്തെ ഒരു സാമാനം ഉണ്ടന്ന് മനസിലായത്‌..!സാരിയൊക്കെ ഉടുത്ത്‌ നില്‍ക്കുന്ന കാരണം ആദ്യം അങ്ങട്‌ പിടികിട്ടിയില്ല.. പിടികിട്ടിയപ്പോ.. പൊട്ടി ചിതറി കിടന്ന എന്റെ സര്‍വ്വ നാടികളും എഴുന്നേറ്റു....

നമ്മടെ കൊണ്ടൊളിസാ റൈസ്‌..

ശംഖു വിളീം മറ്റ്‌ ബഹളൊക്കെ ഒന്നടങ്ങിയപ്പൊ.. ബുഷ്‌ റൈസ്‌ സമേതനായി എന്റെ അടുത്തേക്ക്‌ വന്നു.. തറയില്‍ സകല കണക്ഷന്‍സും അറ്റ്‌ കിടക്കുകയായിരുന്ന എന്നെ പിടിച്ച്‌ എഴുന്നേല്‍പ്പിച്ചു..എന്നിട്ട്‌ പറഞ്ഞു...
"വല്‍സാ...നീ ശങ്കിക്കേണ്ട..ഇതു ഞാന്‍ തന്നെ ബുഷ്‌.. ഇപ്പോള്‍ നീ കണ്ടതെല്ലാം സത്യം.ജഗ്നാഥനായ ഭഗവാന്റെ ദശാവതാരങ്ങളില്‍ അവസാനത്തേത്‌..."
"ഭഗവാനെ..." ആ പാദാരവിന്ദങ്ങളിലേക്ക്‌ ഞാന്‍ ആര്‍ത്തലറ്റ്ച്ചു വീണു..
"അവിടുത്തെ ആക്ഷേപിച്ച്‌ ബ്ലോഗില്‍ പൊസ്റ്റിയത്‌ ഈയുള്ളവന്റെ വിവരമില്ലായ്മയായി കണ്ട്‌ ക്ഷമിക്കേണമെ..."
"സാരമില്ല ഭക്താ... പകരം എന്റെ അവതാര ഉദ്ദേശ്യം മാലോകരെ അറിയിക്കേണ്ട ചുമതല നിന്റെ ചുമലുകളില്‍ ആണെന്ന് നീ അറിയുക.."
"എത്രയും പെട്ടന്ന് ഒരു പോസ്റ്റ്‌ പൊസ്റ്റി.. ആ കര്‍ത്തവ്യം നിര്‍വഹിക്കുക.."

"ഉവ്വേ..." എന്നും പറഞ്ഞ്‌ ഞാന്‍ വീണ്ടും പാതാരവിന്ദങ്ങളെ പിടിച്ചു...

പിന്നെ ഭഗവാന്‍ ബുഷ്‌ വാചാലന്‍ ആയി.. അഫ്ഗാനിസ്ഥാനില്‍.. ഇറാഖില്‍.... ഇനി ഇറാനില്‍... വടക്കന്‍ കൊറിയയില്‍.. പിന്നെ ചൈനയില്‍.. റഷ്യയില്‍... എല്ലായിടത്തും.. ദുഷ്ടനിഗ്രഹത്തിനായി ചെയ്തതും.. ചെയ്യാനിരിക്കുന്നതുമായ അവതാര ഉദ്ദേശ്ശങ്ങള്‍....അദ്ദേഹം പറഞ്ഞതനുസരിച്ച്‌ മുന്‍പ്‌ വന്ന് പൊയ 9 അവതാരങ്ങളും കൂടെ നശിപ്പിച്ച ദുഷ്ടന്മാരേക്കാള്‍ 2ലക്ഷം പേരെ, ഇപ്പോള്‍ തന്നെ നശിപ്പിച്ചു കഴിഞ്ഞിരിക്കുന്നു...

എങ്കിലും സൂപ്പര്‍ ഡ്യൂപ്പര്‍ ഹിറ്റ്‌ ആയി കൊണ്ടിരിക്കുന്ന ഒരു അവതാരത്തിന്റെ അഹംഭാവം ഒന്നും ആ മുഖത്ത്‌ കാണാന്‍ ഇല്ലായിരുന്നു..ഭക്തവത്സലനായ ഭഗവാന്‍ എന്റെ മേല്‍ അനുഗ്രഹ വര്‍ഷം നടത്തി..
റിചാര്‍ജ്ജ്‌ ടോര്‍ച്ച്‌ മുഖത്തേക്ക്‌ അടിച്ചാല്‍ എന്ന പൊലെ, അതി തീഷ്ണമായ്‌ ഒരു പ്രകാശം കൈവെള്ളയില്‍ നിന്നും അദ്ദേഹം എന്റെ മുഖത്തേക്ക്‌ പായിച്ചു...

വീണ്ടും പുക പടലം..
എല്ലാം മാഞ്ഞിരിക്കുന്നു...

ബുഷിന്റെ പാദാരവിന്ദങ്ങളെ നമസ്കരിച്ചു കിടന്നിരുന്ന പൊസിഷനില്‍ നിന്നും തറയില്‍ എഴുന്നേറ്റിരുന്നു.......

ഞാന്‍ ഒാര്‍ത്തു പൊയി..സത്യം അല്ലേ..?സ്വന്തം പെണ്ണുമ്പിള്ളെ അടിച്ചൊണ്ടു പൊയി എന്ന ഒറ്റ കാരണത്താല്‍ രാവണന്റെ ലങ്കയെ കുട്ടിചൊറാക്കിയ ശ്രിരാമനെക്കാള്‍ വാലീഡ്‌ റീസണ്‍സ്‌ മി.ബുഷ്‌ ഭഗവാന്‍ ഒരോ അറ്റാക്കിനും കൊടുക്കുന്നുണ്ട്‌...

അതു കൊണ്ട്‌... മൊക്ഷത്തിനും മുക്തിക്കും സര്‍വ്വാഭിലാഷത്തിനും വേണ്ടി നമുക്ക്‌ പ്രാര്‍ത്ഥിക്കാം..
"ഓം ബുഷായ നമ:"
അമേരിക്കയിലേക്ക്‌ തീര്‍ത്ഥയാത്ര നടത്താം...
വയിറ്റ്‌ ഹൗസ്‌ അമ്പലമാക്കാം.......

പറഞ്ഞു വന്ന ഒരു കാര്യം പറയാന്‍ മര്‍ന്നു.... ഭഗവാന്‍ അപ്രത്യക്ഷമായ ശേഷം എന്റെ മുറിയില്‍ ഞാന്‍ ഒന്നു പരതി.. ഈ പ്രത്യക്ഷപെടലിന്റെ അവശേഷിപ്പുകള്‍ എന്തെങ്കിലും അവിടുണ്ടോ എന്ന്...

മിസ്‌. റൈസ്‌ ഭഗവതി നിന്ന ഇടത്തില്‍ അവരുടെ വലതു കാല്‍ ചവിട്ടിയ കൊണില്‍ ഒരു ചിത്രം.. കാല്‍ കൊണ്ട്‌ വരച്ച ഒരു ചിത്രം...പണ്ട്‌ കുമാര്‍ ബ്ലൊഗില്‍ പോസ്റ്റ്‌ ചെയ്ത അതേ ചിത്രം...

അമ്പട വീരാാാാ.....(എന്റെ ആത്മഗതം ഉച്ചത്തില്‍ ആയി പോയി..)

അതാണ്‌ ഞാന്‍ പറഞ്ഞത്‌ ശ്രീജിത്ത്‌ മണ്ടന്‍ അല്ലെന്ന്.....

Saturday, September 30, 2006

ആ ചുമ്പനം


സിദ്ധാര്‍ത്ഥന്റെ ജൂദാസിനെ പറ്റി വായിച്ചു പോയപ്പോള്‍, മനസില്‍ പണ്ട്‌ പതിഞ്ഞ ആ ചിത്രം വീണ്ടും ഓര്‍ത്തു..നന്ദി സിദ്ധാര്‍ത്ഥ്‌, നന്ദി ഗ്യൊത്തൊ (Giotto).എന്റെ ക്യാമറായില്‍ ഈ ചിത്രം എടുക്കാന്‍ അവര്‍ സമ്മതിച്ചിരുന്നില്ല അതു കൊണ്ട്‌ വിക്കിക്കും നന്ദി.






Friday, August 04, 2006

ചില സ്വാശ്രയ ചിന്തകള്‍

  • ഇപ്പൊള്‍ സ്വാശ്രയത്തിന്റെ കാലം ആണല്ലോ. അല്‍പം സ്വശ്രയപരമയി ചിന്തിക്കാം അല്ലേ..?വിഷയം മറ്റോന്നുമല്ല, എം എ ബെബിയുടെ ബില്ലു തന്നെ. ഒട്ടെറെ തമ്മില്‍ തല്ലു കഴിഞ്ഞു വിഷയം ഇപ്പൊള്‍ സുപ്രീം കൊടതിടെ മുന്നിലായല്ലൊ.സ്വാശ്രയം എന്ന വാക്കു തന്നെ അതു സ്വന്തം നിലക്കുള്ള്തു എന്ന് സൂചിപ്പിക്കുന്നു.

    എന്നാല്‍ സ്വാശ്രയത്വം എവിടം വരെ ആകാം എന്നുള്ള്തു അറിഞ്ഞിട്ട്‌ വേണം പൂര്‍ണ സ്വശ്രയമാണോ അതൊ പാതിയൊ എന്നു തീരുമാനിക്കാന്‍.നമുക്കു പേരിലെക്കു പിന്നീടു വരാം,തത്കാലം പേരിനുള്ളില്‍ എന്തുണ്ടെന്നു നോക്കാം.ഒരള്‍ ഒരു സ്ഥാപനം അതും ലാഭം മുന്നില്‍ കണ്ടു നടത്തുന്‍പൊള്‍ കച്ചവടം എന്ന രീതിയില്‍ കണ്ടേ തീരു, അല്ല്ലത്ത പക്ഷം അതു ആര്‍ക്കും പ്രയൊജനമില്ലതെ ആയി തീരും. പക്ഷെ അതു സ്വന്തം കീശ വീര്‍പ്പിക്കുന്ന പ്രയൊജനം മാത്രമയി തീരുന്‍പോള്‍, ഇന്നത്തെ അവസ്ഥ ആയിതീരുന്നു.

    നമുക്കു വാദങ്ങലിലെക്കു കടക്കാം, എന്താണു ഈ ബില്ലിനെ മാനേജുമന്റ്‌ എതിര്‍ക്കുന്നത്‌..?. ഈ ബില്ലില്‍ ഇപ്പോള്‍ ലഭിക്കുന്നതിനെക്കാള്‍ കൂടുതല്‍ ഫീസ്‌ ഈടാക്കനുള്ള വകുപ്പുണ്ടെങ്കില്‍ ഒരെതിര്‍പ്പും ഉണ്ടാകുമയിരുന്നില്ലല്ലൊ..! സ്വന്തം കീശയിലേക്കു വന്നു കൊണ്ടിരിന്നതു കുറയുംബോളുള്ള കെറുവിക്കല്‍ ആല്ലേ ഇപ്പൊള്‍ കാണുന്നത്‌..?ആരായലും കെറുവിക്കും, ഈ മനേജുമെന്റല്ല ആരായാലും, സര്‍ക്കാര്‍ ജീവനക്കാരുടെ ഇതേ പൊലുള്ള കെറുവിക്കല്‍ ആന്റണിയുടെ ഭരണകാലത്ത്‌ നമ്മള്‍ കണ്ടതല്ലേ..? എന്തിനു, കേന്ദ്ര വിഹിതം കുറയുംബൊള്‍ ഈ സര്‍ക്കാര്‍ തന്നെ കെറുവിക്കുന്നതു നമ്മള്‍ ഇടക്കിടക്ക്ക്‌ കാണുന്നതല്ലെ..?ആപ്പോള്‍ ഒരു കാര്യം നമ്മുക്കു ഒരുമിച്ച്‌ സമ്മതിക്കാം. കെറുവിക്കല്‍ മുതലാളി മാനേജുമെന്റിന്റെ മാത്രം പരിപാടിയല്ല. നമ്മള്‍ ഈ കെറുവിക്കലിനെ പട്ടി പരിഭവിക്കെണ്ടതില്ല..

    രണ്ടാമത്തെ കാര്യം, കൊള്ള ലാഭം ഈടാക്കുന്നു..!
    കൊള്ള ലാഭം ഈടാക്കരുതോ..?കൊടുക്കുന്നവനും വാങ്ങുന്നവനും കുഴപ്പം ഇല്ലെങ്കില്‍..?ഇന്നേ വരെ, ഒരൊറ്റ സ്റ്റുഡെന്റു പോലും ഒരു കോടതിയിലും ഒരു പരാതിയും നല്‍കിയതായി അറിവില്ല. എസ്‌. എഫ്‌. ഐ, അടക്കം ഉള്ള സംഘടനകള്‍ അല്ലതെ ആരും അന്യായ ഫീസ്‌ എന്നു പറഞ്ഞു കേസില്‍ കക്ഷി ചേര്‍ന്നതല്ലാതെ മറ്റൊന്നും കേട്ടു കേള്‍വി പോലുമില്ല. അപ്പൊള്‍, പിന്നെ ആര്‍ക്കണു കുഴപ്പം, കാശു കൊടുത്തു മറ്റുള്ളവര്‍ പടിക്കുന്നതു കാണുന്നവര്‍ക്കൊ..? കാശില്ലത്ത കാരണം സ്വാശ്രയത്തില്‍ പടിക്കാന്‍ സാധിക്കത്തവര്‍ക്കു ഇനി ഒരു മനോ വിഷമം കാണാം..!!ന്യായം തന്നെ... എല്ലാര്‍ക്കും പഠിക്കുവാനുള്ള അവകാശം ഈ സ്വതന്ത്ര ഇന്ത്യയിലുണ്ട്‌.. അതും, ബുദ്ധി കുറഞ്ഞവന്‍ കാശുള്ളതു കൊണ്ടുമാത്രം പഠിക്കുംബോള്‍ അതില്‍ കൂടുതല്‍ ബുദ്ധി ഉത്തര കടലാസുകളില്‍ തെളിയിച്ചവരുടെ വിലാപം കണ്ടില്ല എന്നു നടിക്കാന്‍ പറ്റില്ല......തീര്‍ത്തും ന്യായമായ ആവശ്യം...

    സര്‍ക്കാര്‍ എന്ന് പറയുന്ന സംഭവത്തെ എല്ലാ 5 കൊല്ലം കൂടുംബൊഴും പൊതുജനം തിരഞ്ഞെടുത്ത്‌ അയക്കുന്നത്‌ ഇത്തരം സാമൂഹ്യ പ്രശ്നങ്ങള്‍ക്ക്‌ തീര്‍പ്പുണ്ടാക്കന്‍ ആണു..!
    അങ്ങനെ ഉള്ളപ്പൊള്‍, ഇപ്പോള്‍ സര്‍ക്കാര്‍ ബില്‍ നിര്‍മ്മിച്ചതു തെറ്റ്ല്ല. അതു ഒരേ സമയം കാശില്ലാത്തവനും മുതലാളിക്കും പ്രയൊജനപ്രദം ആകെണ്ടതുണ്ട്‌..

    സാമൂഹ്യ നീതി നടപ്പിലാവുംബൊള്‍ സ്വാശ്രയ കോളേജുകള്‍ മരിക്കാന്‍ പാടില്ല. അതിനര്‍ഥം, മുതലാളിമാരുടെ കീശയിലേക്കു വീഴുന്ന കാശില്‍ സര്‍ക്കാര്‍ കൈ വക്കുന്നതു ശരിയല്ല.ഒരാള്‍ പത്തു കാശുണ്ടാക്കുംബൊള്‍ ചൊറിയുന്നതു മൂരാച്ചി തരം അല്ലെ..?

    മറ്റൊരു തരത്തില്‍ പറഞ്ഞാല്‍ പോകറ്റില്‍ നിറയെ കാശുവീഴുംബൊള്‍ മാത്രമല്ലെ, മുതലാളി കോളെജിലെ സ്വൗകരയ്ങ്ങളും മറ്റും വര്‍ദ്ധിപ്പിക്കുന്നതിനെ പറ്റി ചിന്തിക്കു..??അല്ലതെ, ആശാനു ശംബളം കൊടുത്തു കഴിഞ്ഞാല്‍, പിന്നെ ഒന്നും ഇല്ലെങ്കില്‍ ആരെങ്കിലും ഇതിനായി മിനക്കെടുമൊ..?

    സത്യം പറഞ്ഞാല്‍, മുതലാളിമാര്‍ക്കു എങ്ങനെ കൂടുതല്‍ ലാഭം ഉണ്ടാക്കി കൊടുക്കം എന്നല്ലെ..സര്‍ക്കാര്‍ ചിന്തിക്കെണ്ടത്‌..? അതല്ലെ ഈ സ്ഥാപനങ്ങളുടെ വളര്‍ച്ച മുന്നില്‍ കാണൂന്ന ആരും ആലൊചികേണ്ടതു..?

    നമ്മള്‍ പറഞ്ഞു പറഞ്ഞു നീതി നിഷേധിച്ച വിദ്യാര്‍ഥികളുടെ കാര്യം മറന്നൊ..?ഇല്ല..! അപ്പൊള്‍ കാശില്ലാതവന്റെ വിദ്യാഭ്യാസ താല്‍പര്യം എങ്ങനെ ഈ സമൂഹം (സര്‍ക്കാര്‍) പരിഹരിക്കും..?..?

    ബേബി സാര്‍ മുഴുവന്‍ പറയതെ, എന്നാല്‍ പാതി പറഞ്ഞു വയ്ക്കുന്ന ചിലകാര്യങ്ങള്‍ ഉണ്ട്‌ ഈ ബില്ലില്‍. സ്കൊളര്‍ഷിപ്‌, നിര്‍ധനര്‍ക്കു പഠിക്കാനായി ഒരു ഫണ്ട്‌. അതിനെ പറ്റി, ചില നല്ല സ്വപ്നങ്ങള്‍ മാത്രമാണു സര്‍ക്കാരിനുള്ളതു..! എഷ്യാനെറ്റിന്റെ നമ്മള്‍ തമ്മിലില്‍ ഇദ്ദെഹം പറയുന്നത്‌ കേട്ടാല്‍ ആരും ഞെട്ടി പൊകും. ഒരിക്കല്‍ ഇദ്ദെഹം, എതൊ വിദേശ യാത്രക്കിടയില്‍ ആസ്റ്റ്രലിയായില്‍ ജൊലി ചെയുന്ന ഒരു മലയാളി യെ പരിചയപെട്ടു. അദ്ദെഹത്തിനു ഇപ്പൊള്‍ 4 ലക്ഷം രൂപയിലെറെ ശംബളം ഉണ്ടു പോലും, തിരുവനന്തപുരം എന്‍ ജിനീറിംഗ്‌ കൊളേജില്‍ പഠിച്ച ആളാണു കക്ഷി. അപ്പോള്‍ നമ്മടെ ബെബി സാര്‍ പറഞ്ഞു വന്നതു, പാവപ്പെട്ട്‌ പിള്ളെര്‍ക്കു സ്കൊളര്‍ഷിപ്‌ എര്‍പെടുത്താന്‍, ഇത്തരം കക്ഷികളെ സമീപിചാല്‍ മതി പൊലും, അവര്‍ ആവശ്യതിലേറെ സംബാദിക്കുന്നുണ്ട്‌ പൊലും, ഇദ്ദെഹം കണക്കു കൂടി അവതരിപ്പിക്കുന്നുണ്ടു, ഒരക്ഷെപവും കൂടതെ, 1000 കണക്കിനു കൊടികള്‍....അഹ ഹ ഹ ഹ.....ഒരുത്തരവദിത്ത പെട്ട ആളുടെ വക്കുകള്‍ ആണൊ അത്‌..? എതൊ ഒരു ചായക്കടയില്‍, കാപ്പി കുടിക്കുന്നതിനിടയില്‍ ചവച്ചു തള്ളുന്ന കാപ്പി കപ്പു രാഷ്ട്രീയത്തില്‍ കവിഞ്ഞു അതില്‍ എന്തുണ്ടു.? ഇദ്ദെഹത്തെ കേരളം ഭരിക്കുന്ന മന്ത്രി എന്നു പറയാന്‍ പറ്റുമൊ..?
  • (will continue..)